Blaenoriaethau Gwella 25-26

Byddwn yn canolbwyntio ar y meysydd gwella canlynol yn ystod y flwyddyn academaidd 2025-2026 er mwyn sicrhau ein bod yn parhau i ddarparu’r gorau y gallwn i’n disgyblion.

Blaenoriaeth 1: Adfer a Chryfhau Darpariaeth ADY a Gweithdrefnau Cynhwysiad

• Ailsefydlu systemau ADY cadarn a chywir, gyda chofnodion a CDU safonol.
• Cryfhau hyder ac arbenigedd staff wrth adnabod a chefnogi dysgwyr ag ADY.
• Gweithredu strategaethau ymddygiad ysgol gyfan sy’n seiliedig ar egwyddorion adferol a thrawma-ymwybodol.
• Datblygu system olrhain fewnol effeithiol i fonitro cynnydd dysgwyr.
• Cynnwys rhieni a disgyblion yn rheolaidd yn y broses adolygu.
• Defnyddio’r Map Darpariaeth ADY yn gyson i dargedu cymorth a sicrhau cynhwysiant llawn.

Blaenoriaeth 2: Datblygu Arweinyddiaeth – Ail-sefydlu strwythur arweinyddiaeth yr ysgol

• Cryfhau rôl y Pennaeth mewn Gofal a sicrhau dirprwyo effeithiol.
• Ail-strwythuro’r UDRh ac arweinwyr cyfnodau gyda chyfrifoldebau clir.
• Datblygu cydlynwyr MDaPh a sicrhau rhannu arferion da drwy rwydweithio a hyfforddiant.
• Sicrhau bod gan ddisgyblion rôl weithredol mewn arweinyddiaeth trwy grwpiau a chriwiau disgyblion.
• Datblygu rôl y llywodraethwyr fel ffrindiau beirniadol, gyda gwybodaeth gyfredol am waith yr ysgol.

Blaenoriaeth 3: Sicrhau Cyd-ddealltwriaeth o Gynnydd ac Asesu gan gynnwys pob staff

• Creu system asesu fewnol gyson, wedi’i seilio ar egwyddorion cynnydd.
• Sicrhau defnydd effeithiol o’r Traciwr i fonitro cynnydd a thargedu ymyraethau.
• Cysylltu prosesau asesu â chynllunio cwricwlwm perthnasol sy’n datblygu’n barhaus.
• Sicrhau bod pob athro yn deall sut olwg sydd ar gynnydd a sut i gynllunio ar ei gyfer.
• Defnyddio Seesaw a dulliau asesu parhaus i gasglu tystiolaeth a chynnwys rhieni.
• Adolygu’r weledigaeth a’r cynnig cwricwlaidd yn barhaus i sicrhau datblygiad sgiliau trawsgwricwlaidd.

Blaenoriaeth 4: Datblygu Cydweithio Ystyrlon gyda’r Clwstwr i Wella Safonau a Phrofiadau Dysgwyr

• Sefydlu gweledigaeth a strwythur clir ar gyfer cydweithio clwstwr.
• Trefnu cyfarfodydd rheolaidd i rannu arferion da ac adeiladu rhwydweithiau proffesiynol.
• Creu grwpiau cydweithio ar draws yr ysgolion i gynnwys pob aelod o staff.
• Rhannu a datblygu arferion addysgu effeithiol drwy deithiau dysgu a chyfarfodydd thema-benodol.
• Cyd-gynllunio digwyddiadau a phrofiadau sy’n hyrwyddo’r Pedwar Diben ac yn rhoi lle canolog i leisiau disgyblion.
• Sicrhau bod cydweithio’n arwain at welliannau mesuradwy mewn safonau a phrofiadau dysgwyr.

Ein Llwyddiannau yn 24-25

Dyma drosolwg o’r hyn cafodd ei ddatblygu yn y flwydyn 2023-2024.

1. Datblygu Arweinyddiaeth

• Rôl y Pennaeth mewn Gofal wedi’i sefydlu’n fwy strategol, gyda dirprwyo cyfrifoldebau’n gliriach.
• Ail-strwythuro’r uwch dîm rheoli a chryfhau’r arweinyddiaeth ganol wedi gosod sylfeini ar gyfer gwella arferion.
• Cydlynydd ADY wedi dechrau rhoi strwythurau newydd ar waith, er bod angen mwy o gysondeb a hyfforddiant.
• Adborth cadarnhaol gan staff a llywodraethwyr yn cydnabod gweledigaeth glir a chefnogaeth y pennaeth.

2. Datblygu Prosesau Asesu

• Dealltwriaeth staff o gynnydd a rôl asesu wedi cynyddu’n sylweddol.
• Trafodaethau clwstwr wedi cryfhau’r ymwybyddiaeth o gamau pontio i’r uwchradd.
• Defnydd o’r “Traciwr” wedi cychwyn, gan ddarparu sail ar gyfer tracio cynnydd yn fwy systematig.
• Egwyddorion “Asesu ar gyfer Dysgu” wedi dechrau treiddio i’r dosbarthiadau, gan wella ymwybyddiaeth disgyblion o’u camau nesaf.

3. Datblygu’r Cwricwlwm gyda Ffocws ar Sgiliau Mandadol

• Cynllunio tymhorol yn fwy cydlynol, gan adlewyrchu Datganiadau o’r hyn sy’n Bwysig a’r egwyddorion cynnydd.
• Dysgwyr yn elwa ar fwy o gyfleoedd dilys ac ystyrlon i ddatblygu llythrennedd, rhifedd a sgiliau digidol.
• “Cynllunio yn y Funud” yn Cam Cynnydd 1 wedi creu profiadau cyfoethog ac ymatebol i anghenion dysgwyr.
• Cynnydd amlwg yn sgiliau darllen (Tric a Chlic) a rhifedd (Maths Pen).

4. Gweithredu’r Siarter Iaith

• Uwch dîm arwain a llywodraethwyr wedi gosod y Gymraeg a Chymreictod wrth galon bywyd yr ysgol.
• “Criw Cymraeg” gweithgar wedi arwain gwasanaethau, digwyddiadau a gweithgareddau buarth, gan gynyddu defnydd naturiol o’r Gymraeg.
• Cynnydd amlwg mewn llafaredd a defnydd cymdeithasol y Gymraeg ar yr iard a mewn clwbiau.
• Rhieni a’r gymuned wedi bod yn rhan o’r daith trwy brosiectau, cyfryngau cymdeithasol a digwyddiadau lleol.

Blaenoriaethau Gwella 24-25

Byddwn yn canolbwyntio ar y meysydd gwella canlynol yn ystod y flwyddyn academaidd 2024-2025 er mwyn sicrhau ein bod yn parhau i ddarparu’r gorau y gallwn i’n disgyblion.

1 Datblygu Arweinyddiaeth - Ail sefydlu strwythur arweinyddiaeth yr ysgol

• Datblygu rôl y pennaeth mewn gofal.
• Ail-strwydduro'r uwch dîm rheoli/ arweinwyr cyfnodau.
• Datblygu cydlynwyr MDaPh ac ADY.
• Datblygu prossesau adolygiad proffesiynol gyda cymorthyddion dosbarth.
• Datblygu rôl y llywodraethwyr fel ffrind beirniadol.
• Datblygu rôl plant yn y drefn arweinyddiaeth.

2. Datblygu prosesau asesu er mwyn cynllunio'r cam nesaf yn y dysgu

• Sefydlu cyd-ddealltwraieth o gynnydd ar draws yr ysgol.
• Datblygu cyd-ddeallwriaeth o gynnydd clwstwr.
• Sicrhau defnydd effeithiol o'r 'Traciwr'.
• Asesu ar gyfer Dysgu.
• Cydlynydd ADY.

3. Parhau i ddatblygu darpariaeth Gwricwlaidd gyda ffocws benodol ar y sgiliau mandadol

• Ymateb i ddogfen 'Cwricwlwm i Gymru: ymlaen a'r daith' er mwyn parhau i esblygu ein cynnig Cwrciwlaidd.
• Cynllunio Cwricwlwm yn llwyddiannus.
• Sicrhau cyd ddealltwriaeth o gynnydd ar draws yr ysgol (* cyswllt gyda blaenoriaeth asesu)
• Sicrhau prosesau asesu pwrpasol ar draws yr ysgol i gefnogi cynllunio cwricwlwm i ddysgwyr wneud cynnydd (* cyswllt gyda blaenoriaeth asesu).
• Adolygu'r weledigaeth a'r ddarpariaeth gwricwlaidd yn barhaus.
• Sicrhau darpariaeth gyson effeithiol i ddatblygu sgiliau trawsgwricwlaidd gorfodol - Llythrennedd, Rhifedd a Chymhwysedd Digidol

4. Gweithredu'r Siarter Iaith 

• Arweinyddiaeth strategol er mwyn galluogi'r Siarter Iaith i weithredu'n effeithiol.
• Rôl y dysgwyr yn llwyddiant y Siarter Iaith: annog, cefnogi a dathlu Cymreictod
• Datblygu defnydd a mwynhad dysgwyr o'r Gymraeg drwy brofiadau cyfoethog.
• Gweithio mewn partneriaeth â chymuned ehangach yr ysgol.
• Grymuso Gweithlu'r Ysgol wrth Ddefnyddio'r Gymraeg. 

Ein Llwyddiannau yn 23-24

Dyma drosolwg o’r hyn cafodd ei ddatblygu yn y flwydyn 2023-2024.

1. Gwella safonau darllen ar draws yr ysgol

• Mae system gynhwysfawr ar waith ar gyfer datblygu darllen ym mhob dosbarth, gan gynnwys trefn stori dyddiol, sesiynau Tric a Chlic, a chyfnod darllen distaw.
• Mae sesiynau Tric a Chlic wedi cael effaith gadarnhaol ar ddarllen drwy'r ysgol, ond mae angen cysoni'r defnydd o'r cynllun yn yr Adran Sylfaen a sicrhau bod dysgwyr yn cwblhau'r cynllun.
• Mae sesiynau siarad am lyfr wedi codi brwdfrydedd dysgwyr tuag at ddarllen.
• Mae ymweliadau â'r llyfrgell ac ymweliadau â thrigolion Hafod y Gest wedi cael effaith gadarnhaol ar agwedd dysgwyr tuag at ddarllen.

2. Sicrhau cyd ddealltwriaeth dalgylch o ddilyniant a sut i asesu cynnydd

• Defnyddio Microsoft Teams i rannu gwaith ac adnoddau, gan wella cyfathrebu a chydweithio rhwng ysgolion. 
• Casglu barn rhanddeiliaid i ailystyried a diwygio'r weledigaeth ysgol, gan sicrhau sylfaen gadarn i'r cwricwlwm. 
• Mapio darpariaeth yr ysgol i sicrhau datblygiad cyson ac osgoi ail-adrodd.

3 Datblygu arweinyddiaeth staff

• Mae'r ffeiliau cynllunio gyda chyfarwyddiadau clir yn helpu athrawon i gymhwyso sgiliau rhifedd yn gyson ar draws y cwricwlwm, gan wella dealltwriaeth disgyblion o gysyniadau mathemategol. 
• Mae'r ddogfen fyw yn cael ei bwydo'n rheolaidd gan y mwyafrif o athrawon, gan ddarparu tystiolaeth glir o gyflawniad y cwricwlwm. 
• Mae Cyngor Eco a gweithgareddau cysylltiedig yn dangos ymrwymiad i safonau amgylcheddol. 
• Athrawon yn dangos hyder cynyddol wrth addysgu TGCh, gan sicrhau cynnydd mesuradwy yn ngallu dysgwyr.

4. Datblygu gallu'r staff i weithredu prosesau Anghenion Dysgu Ychwanegol yn llwyddiannus

• Mae bron pob athro yn teimlo’n fwy hyderus wrth fynd ati i gefnogi dysgwyr ADY. 
• Mae diwylliant i gynnal cyfleoedd rheolaidd i gynnal trafodaethau proffesiynol pwrpasol er mwyn trafod cyrhaeddiad a’r camau nesaf yn addysg dysgwyr Ysgol Eifion Wyn.